Vipando vya mazao ya kilimo ,Wizara ya Kilimo yatia fora

Vipando vya Mazao katika Banda la Wizara ya Kilimo,Kanda ya Kaskazini ,Vipando vinavyosimamiwa na Bw,Elias

Afisa na Msimamizi wa Kituo cha Uenezaji wa Teknolojia Kanda ya Kaskazini,akitoa maelezo ya vipando

Erenest Elias ,Afisa na Msimamizi wa Kituo cha Uenezaji Teknolojia Kanda ya Kaskazini ,akitoa maelezo ya vipando katika Viwanja vya Nane Nane Kanda ya kaskazini

Mwanamke Happiness akombolewa na wanawake wa SIAT

Rais wa SIAT Anna Anatoli akielezea ,hali ya ukatili katika Wilaya ya Arumeru

 Ukatili wa Kijinsia Arumeru waota mizizi ,SIAT yavalia Njuga tatizo ,hilo ,Kalamu ya waandishi yanusuru baadhi ya wanawake

Mwandishi Mary Mwita ,akiwa nje ya Mwanamke  Happiness Soine aliyekumbana na Ukatili wa Kijinsia ,Kalamu ya Mary Mwita ,imesaidia mwanamke huyo kukombolewa na kujengewa nyumba na wasamaria wa SIAT

Na Mary  Mwita ,Arusha

Vitendo vya Ukatili na unyanyasaji dhidi ya wanawake hapa nchini kwa miaka ya hivi karibuni vimepungua kutokana na jitihada za wadau wa kutetea haki za binadamu kuvalia njuga tatizo hilo ,kwa kuwachukulia hatua wahusika .

Wanawake katika  baadhi ya jamii wameonekana hawana haki ,na hivyo kunyanyaswa  na hata kunyanganywa mali  walizochuma na wanaume zao ambao wametangulia mbele ya haki .

Katika Wilaya ya Arumeru ,ukatili dhidi ya wanawake ,umejikita katika baadhi ya jamii,wanawake wakinyanyaswa  na hata kufukuzwa katika nyumba walizojenga na wanaume zao .

Mfano halisi ni wa mwanamke Happiness  Soine aliwahi kuandikwa katika gazeti la Mtanzania mwaka 2010 kuwa alikuwa ananyanyaswa na  shemeji yake ,ambaye alidaiwa kumiga na kumjeruhi katika sehemu nyeti .

Wadau wa maendeleo baada ya kusoma habari hiyo ,iliyokuwa imeandikwa na Bi Mary Mwita ,walivyalia njuga tatizo hilo ,na kufanikiwa kufika kijijini kwa Happiness katika Kata ya Kingori ,Wilaya ya Arumeru .

Umoja wa wanawake wanataaluma unaoujulikana kama   SIAT(Soroptimist  International  Arusha  Tanzania) ,yenye Makao Makuu Mkoa wa Arusha  ndiyo walioguswa na mkasa wa Happiness na kulazimika kuwachukulia hatua wahusika na mwanamke huyo kuwa huru .

Wanawake hao wakiongozwa na Rais wa Umoja huo ,Anna  Anatoli walifanikiwa   kushughulikia kesi feki zilizokuwa zimefunguliwa kumkadamiza  Bi Happiness,kuwafikisha mahakamani watuhumiwa  na kumjengea nyumba ambayo imezinduliwa na Katibu Tarafa  katika Halmashauri ya Meru ,Bwana Sumari aliyemwakilisha  Mkuu wa Wilaya ya Arumeru  .

Rais Anatoli akitoa simulizi ya mkasa wa Happiness anasema kuwa ipo haja ya wadau wa haki za binadamu kuendelea  kusaidia jamii husani wanawake wanaokadamizwa na kunyimwa haki katika jamii wanazoishi .

Anapongeza waandishi wa habari kwa kutumia kalamu zao vyema kumwulika maovu na kuyaanika katika jamii ,na kueleza kuwa kama isingekuwa ni kalamu ya Mary Mwita wasingeweza kujua taabu na mateso aliyokuwa anapata mwanamke huyo .

Anafafanua kuwa umoja na Shirika lao ,nilakujitolea ,hawana wafadhili ,wanajitolea kujichangisha kama wanawake wanataaluma mbali mbali ,ikiwa  lengo lao ni kuona kuwa  wanawake wenzao wanaishi kwa amani na furaha  na kusaidia familia zao

Ana Anatoli  anasema kuwa pia wameweza kusaidia wasichana zaidi ya 100 waliokuwa wanajihusisha na vitendo vya ngono kabla ya wakati na kuwa waliobainika kuathirika na vitendo hivyo wanaendelea kuangaliwa kwa ukaribu ,ikiwa ni kuwawezesha kurudi na kuishi maisha ya kawaida na kujishughulisha kiuchumi.

Kwa upande wake Mkuu wa Wilaya ya Arumeru Munasa Nyerembe katika taarifa yake iliyosomwa na Katibu Tarafa Bw,Sumari anasema kuwa ,Serikali   kwa kushirikiana na wadau wa Haki za Binadamu itaendelea itaendelea kuhakikisha kuwa makundi yote katika jamii yanaishi kwa amani na kutendewa haki  na kuwaajibisha wanaowanyanyasa .

Nyerembe anapongeza wanawake hao na kuwataka kuendelea kusaidia makundi zaidi katika jamii ,na kueleza kuwa Serikali inatambua mchango wa wao na kuwa Serikali haiwezi kutekeleza majukumu  pekee yao bila kupata msaada kutoka kwa wadau wa maendeleo kama SIAT

Mkuu huyo pia anachukua fursa hiyo kupongeza jitihada za Mwandishi Mary Mwita zakuandika habari za kweli ,na kuwezesha wahusika kuchukua hatua stahiki kama alivyofanikisha habari ya Mwanamke Happiness kufikia umma wa Watanzania na kujitokeza kumsaidia na kumjengea Nyumba .

Aidha anasema Serikali haitawaonea haya  watu wanaonyanyasa wanawake na kueleza kuwa Serikali itaendelea kufuatilia tatizo la Happiness ,ikiwa ni kuhakikisha kuwa anaishi kwa amani ,na kukomesha ukatili dhidi yake na mashemeji zake ,ambao wanataka kumyanganya mali alizochuma na mume wake.

Halmashauri ya Meru ,ni miongoni mwa Halmashauri hapa nchini ambazo ukatili dhidi ya wanawake umejikita ,ni jukumu la wadau kuvalia njuga tatizo hilo.

Nane Nane Kanda ya Kaskazini kufana mwaka huu

Mwenyekiti wa TASO Kanda ya Kaskazini Athur Kitonga ,wakati wa mahojiano na  blog hii

Maonesho Nane Nane Kanda ya Kaskazini  kutoa tafsiri ya Mapinduzi ya  Kilimo na Mifugo,Washiri 324 kutoka ndani na nje wadhibitisha kushiriki

Na Mary Mwita, Arusha

MAONESHO  ya Nane nane(TASO)  yanafungua milango kwa wadau wa kilimo na mifugo kubadilishana uzoefu wa shughuli zao na hatimaye kuzalisha kwa ubora  mazao yanayotokana na mifugo na kilimo.

Maonesho hayo hufanyika kila mwaka  ikiwa walengwa wakuu ni wakulima na wafugaji ,ambao wanapata fursa yakuonyesha bidhaa zao za mifugo

Kauli mbiu ya maonesho hayo mwaka huu ni  Zalisha mazao ya kilimo na mifugo kwa kulenga mahitaji ya soko .

Katika kanda ya Kaskazini inayohusisha mikoa ya Arusha ,Manyara na Kilimanjaro  maandalizi yamekamilika  kwa  zaidi ya asilimia 75 .

Mwenyekiti wa TASO  Kanda ya Kaskazini, Athur Kitonga anasema kuwa wadau wa maonyesho tayari wameandaa maeneo yao ya maonesho ikiwa ni pamoja na kupanda vipando vya mazao mbali mbali katika maeneo husika

Kitonga anabainisha kuwa maonesho ya mwaka huu yanatarajiwa kuvunja rekodi kwa kuwa tayari washiriki wa maonesho 324  wamedhibitisha kushiriki ,ikiwa ni kutoka ndani na nje ya nchi

Anataja baadhi ya washiriki kuwa ni kutoka nchi ya Kenya ,Rwanda ,Burundi  na Pakistani .

Washiriki wa ndani ni Taasisi za Serikali ,watu binafsi ,makampuni ya bidhaa za kilimo na mifugo na wadau wengine wa maendeleo ya kilimo na mifugo .

Halmashauri za Wilaya zikiwa ni wadau muhimu katika maonesho hayo ,wanatarajiwa kuandaa wakulima na wafugaji kushiriki katika maonesho hayo ,kwa kuwagharamia usafiri na malazi.

Kitonga anasema kuwa katika kuwezesha wakulima na wafugaji kujifunza mbinu bora za kilimo na mifugo mwaka huu ,wameomba kila Halmashauri ilete wakulima na wafugaji 100.

Anasema kuwa washindi bora watazawadiwa na TASO kwa kushirikiana na Halmashauri zao .

Pamoja na mambo mengine anasema kuwa wamedhamiria kuhamasisha ufugaji bora ,kuwa wafugaji watazawadiwa wakilenga wilaya mahiri kwa ufugaji wa mifugo ,ikiwa ni kuamusha ari ya kufuga mifugo kwa ubora kwa kufuata mfumo  bora wa ufugaji.

Katika kuboresha mazingira ,anasema kuwa tayari wameweza kupanda miti 1000,ikiwa ni kuwezesha kuboresha mazingira kwa ajili ya kizazi kilichopo na kijacho

Kitonga anawaondowa wasiwasi wananchi watakaoshiriki katika maonesho hayo kuwa Usalama uko wa kutosha na kuwa kampuni ya Intellegence Securio kwa kushirikiana na Jeshi la Polisi Mkoa wa Arusha wamejizatiti kuhakikisha kuwa ulinzi unakuwa imara ,na kuwa hakuna haja yakuwa na hofu yakutembelea  na kushiriki katika maonesho ya Nane Nane Mkoa wa Arusha .

Anasema kuwa Maonesho hayo yatafunguliwa na Mwenyekiti wa Kanda ya Kaskazini Magessa Mlongo na kufungwa na Makamu wa Rais Mohamed Bilali

Akizungumzia maendeleo ya Uwanja huo Kitonga anasema kuwa uwanja huo ,unatarajiwa kuleta maendeleo makubwa ya kilimo na mifugo ,kwa kuwa wanatarajia kujenga Hosteli kwa ajili ya wadau wa maonesho itakayowezesha kulala na kujifunza mbinu za kilimo na mifugo .

Kitonga anavunja ukimya kwa kueleza kuwa ujenzi  wa Hosteli huo unatarajiwa kuchangiwa na Serikali ikiwa watatoa Tshs million 300 ,ahadi iliyotolewa na Profesa Jumanne Maghembe wakati wa Sherehe za Nane Nane mwaka 2011 Mkoa wa Arusha .

Pia anasema kuwa wanatarajia kujenga Chuo bora cha mifugo na kilimo katika Uwanja wa Nane Nane ,Njiro Mkoa wa Arusha ,ambacho kitatoa elimu ya kilimo na mifugo ,na kuwezesha wahitimu kutumia elimu yao kusaidia jamii kufuga na kulima kwa ubora zaidi .

“Chuo hicho usajili wake uko katika hatua za mwisho ,na kwa kweli Chuo hicho kitafungua mlango kwa watu kujifunza kilimo na mifugo ,na hapa Nane nane ,itakuwa ni sehemu ya mafunzo kwa vitendo ,lengo kuu ni kuona watu wanafanya shughuli zao kwa tija ,baada ya kupatiwa elimu “anasema Kitonga

Kitonga  anawahitimisha mahojiano na mwandishi wa Makala hii kwa kuwakaribisha wananchi kushiriki katika maonesho hayo ikiwa na kueleza kuwa maonesho ya mwaka huu yanatarajiwa kuvunja rekodi na kuwa miundo mbinu ya uwanja imeimarishwa .

Wananchi Kiteto wasifu TASAF ,wataka wadau wengine kuiga mfano wa TASAF ,kwa kushirikisha wananchi kupanga na kusimamia wenyewe miradi husika

Mwandishi Mary Mwita ,akiwa Kiteto Manyara kihoji wananchi jinsi walivyonufaika na TASAF,wadai wamenufaika kwa kupata barabara ya uhakika walioichimba na kuitengeneza wenyewe ,wataka miradi mingine ya maendeleo ifuate nyayo za TASAF,kwa kuwa inashirikisha wananchi katika kila hatua ,na hivyo imeweza kufanikiwa kutokana na ushiriki wa wananchi ,na hivyo kuondoa mianya ya wanaofuja fedha za miradi

Wasomi wa Chuo Kikuu Makumira wanaochukua Shahada ya Muziki wakicheza ngoma ya Kimasai

Wanafunzi wa Chuo Kikuu Tumaini Makumira Usa River Arusha  ,wakicheza ngoma ya Kimasai ikiwa ni sehemu ya masomo yao ya Muziki

Yatima wavishwa viatu na Mkuu wa Wilaya ya Arumeru,ashauri jamii kuendelea kuwasaidia Yatima na makundi yenye uhitaji

Mkuu wa Wilaya ya Arumeru Nyerembe Munasa akiwavisha watoto Yatima viatu ,ikiwa ni msaada ulitolewa na Shirika la wasabato linalojulikana kama ADRA tukio lilofanyika katika kata ya Maji ya Chai ,Wilaya ya Arumeru .

Mkurugenzi TAMIHA Crispin Mugarula akizungumza na Yatima anaowalea na kuwatunza

Mkurugenzi wa TAMIHA Crispin Mugarula  ,akizungumza na watoto Yatima anaowalea na kuwasomesha ikiwa ni kati ya watoto 194 ,wanaosoma Shule ya St.Vivian Maji ya Chai ,Arumeru ,Arusha ,shule iliyoanzishwa na Mkurugenzi huyo kwa ajili ya watoto Yatima na watoto wengine wa jamii ya Meru na Mkoa wa Arusha  Arusha yajizatiti kutoa huduma ya Afya Na Mary Mwita ,Arumeru AFYA bora za watu katika jamii yeyote duniani ni  matokeo ya maendeleo kwa kutokana na ukweli kuwa nguvu kazi za watu ni muhimu katika uzalishaji ambapo watu wenye afya njema ,wanahitajika kushiriki katika shughuli husika . Kutokana na uhalisia huo ,Halmashauri ya Arusha katika Wilaya ya Arumeru Mkoa wa Arusha kupitia wataalam wa Afya na watendaji wa Halmashauri hiyo wanafanya kila jitihada kuhamasisha watu kujenga utamaduni wa kupima Afya zao na kubaini matatizo yanayokabili kiafya na kupata tiba mapema . Wanawake  katika jamii hiyo wanapewa elimu kuhusu umuhimu wa kuhudhuria katik vituo vya afya hususani wakati wa ujauzito ikiwa ni kuwalinda watoto wao toka wakiwa tumboni ,kwa kupata ushauri wa kitaalam ,ikiwa ni pamoja na kuwakinga watoto dhidi ya maambukizi ya Virusi vya UKIMWI. Miongoni wa wananchi waliopata elimu ya afya ya uzazi na kuhimizwa kuchangia huduma ya afya ni wananchi wa Olkokola ,katika Halmashauri ya Arusha ,elimu iliyotolewa na Mganga Mkuu wa Halmashauri ya Arusha  Dkt. Tobias Mkina  Mkina mtaalam wa Afya anawataka akina mama kujenga utamaduni wa kuhudhuria Kliniki mapema ,kuepusha madhara wakati wa kujifungua . “Akina mama ,ninawaomba sana mjenge utamaduni kwa kwenda kliniki ,kwa kuwa baadhi ya akina mama hapa ,bado wanajifungulia nyumbani kwa msaada wa wawakunga wa jadi ,ninawaomba sana ,mjali afya zenu ,msipende   kujifungulia  nyumbani ,munaweza kupata madhara ikiwa ni pamoja na kifo .”anasema Mkina “Kwa sasa hakuna kisingizio cha ukosefu wa Hospitali ,maana kuna hii hospitali ya Oltrument iliyozinduliwa na Mheshimiwa  Rais  Jakaya Kikwete ,hivyo ninawaomba sana ,muitumie vyema kwa ajili ya kupata huduma bora za Afya .”anaongeza Mkina Pamoja na mambo mengine anawataka wananchi wa jamii hiyo ,kuchangia huduma ya  mfuko wa  Afya  jamii  na  kuwawezesha kupata huduma ya afya kwa mwaka mzima ,ikiwa watalipa Tsh 10,000   Halmashauri hiyo ina jumla ya vituo vya kutolea huduma za Afya  48 ,ikiwa ni Hospitali  mbili ,moja ikiwa ni Shirika la dini ambayo kwa sasa ni Hospitali Teule ya Halmashauri ya Arusha Vituo vya afya  ni 5  ,vya Serikali  vinne  na kimoja  kinamilikiwa  na mtu binafsi ,Zahanati 41  ambazo kati ya hizo  25 ni za Seriali na 16 za Mashirika  na watu binafsi .  Huduma  za Afya zinazotolewa ni ,Huduma za wagonjwa wan je ,Huduma za Afya ya Kinywa na meno ,Huduma ya Afya akili ,Huduma ya maabara  na damu salama ,Huduma za afya ya Uzazi  na mtoto Nyingine ni  Huduma ya Ushauri  nasaha  na Upimaji  VVU ,Huduma  za Utoaji wa dawa za kupunguza  makali ya Virusi vya Ukimwi ,Huduma za Kifua  Kikuu na Ukoma ,Huduma za Kifua Kikuu na ukoma ,Huduma za Kulaza Wagonjwa kwa baadhi ya vituo Akitoa ufafanuzi zaidi Dk.Mkina anasema kuwa wameipa kipaumbele huduma ya Wazee ,kuwa katika Hospitali Teule ya Selian  na Hospitali ya Oltrument   na kuwa   Robo ya mwaka Januari  hadi March 2012 ,Wazee  121,wanawake wakiwa 58 na wanaume 63 Robo ya mwaka April hadi June  2012 ,Wazee  226  wanaume 114, wanawake 112 na Robo ya mwaka Julai hadi Septemba  2012 Wazee 301  wanawake wakiwa 110 na wanaume wakiwa 191 Mganga huyo anadai kuwa huduma ya afya kwa wazee inaendelea kuboreshwa ilikuweza kunufaisha Wazee wengi zaidi . Kwa upande wake Mkurugenzi Mtendaji wa Halmashauri ya Arusha ,Fidelist Lumato anasema kuwa lengo la Halmashauri hiyo ni kuona wananchi wa Halmashauri hiyo wakiwa wanapata huduma bora ya afya na kuwawezesha kushiriki katika ujenzi wa Taifa .  Kimsingi anasema kuwa majengo bora yamejengwa katika Hospitali ya Oltrument na ambayo kwa kiasi kikubwa yameinua hadhi ya Hospitali hiyo ,na kuwa  majengo hayo ni matanao  na   yamegharimu Tshs  624,650,920.30 Anafafanua kuwa  Jengo la Upasuaji (Theatre)  Tshs  118,339,526,Wodi ya Upasuaji (Surgical ward)  Tshs 140,878,004.10 ,Maabara Tshs 22,650,012.25  ,Wodi ya wanaume 134,365,871.35,Wodi ya Wanawake  Tshs 154,751,002 .50,Ukarabati wa Majengo ya Zamani  Tshs  53,666,503  Lumato, anasema kuwa Jengo la Upasuaji limejengwa na ufadhili wa Shirika la Umoja wa Madaktari  wa Kijerumani  la Organization for International Medical  Cooperation ( VIMZ). Jengo la Wodi ya upasuaji limejengwa kwa ufadhili wa Umoja wa madaktari wa Kijerumani  na Halmashauri ya Arusha  ikiwa ni Tshs.55,728,004 na Tshs  85,150,000 Lumato  anasema Jengo la maabara limejengwa kwa msaada wa wafadhili wa kutoka Marekani kupitia Shirika la Centre for Disease Control(CDC) pamoja na mashine za kisasa za uchunguzi wa magonjwa mbali mbali Anaendelea kubainisha kuwa Jengo la Wodi ya wanaume limejengwa kwa ushirikiano wa wananchi ,Halmashauri ya Wilaya ya Arusha chini ya mpango wa mfuko wa Maendeleo  ya Jamii (TASAF )  na kutokana na mapato yake ya ndani  Tshs  48,780,586 na Tshs  85,585,285.35 Mkurugenzi anasema Jengo la Wanawake limejengwa mahususi kwa ajili ya kuwalaza akina mama  na limejengwa  mahususi kwa ajili ya kuwalaza akina mama  na limejengwa kwa kutumia ruzuku  ya serikali kupitia Mpango wa Maendeleo  ya Afya ya Msingi (MMAM),na mchango wa Halmashauri kutokana na mapato ya ndani .  Pamoja na mambo mengine anasema kuwa Hospitali hiyo  inakabiliwa na matatizo mbali mbali ikiwa ni ukosefu wa majengo muhimu yatakayokidhi mahitaji ya ongezeko la wagonjwa wa nje na kulazwa Anataja  majengo hayo kuwa ni Jengo la Wagonjwa wa nje na Utawala (OPD),Wodi ya watoto ,Jengo la kituo cha uangalizi  na kutolea huduma kwa waathirika wa virusi vya Ukimwi,tiba  na ushauri nasaha, Jengo la X ray pamoja na mashine ya X Ray  na Jengo la kusubiria kujifungulia .   Kimsingi anasema  kuwa Hospitali hiyo inatarajiwa kupunguza vifo  vya watoto na wajawazito ,na kuhimiza jamii kujenga utamaduni wa kwenda katika vituo vya afya kupima afya zao ,na kuepuka kusubiri hadi mgonjwa kuzidiwa na kuwa na hali mbaya ndipo anapelekwa hospitali Lumato anahimiza wananchi wa Halmashauri hiyo kujiunga na mfuko wa huduma ya Afya na kuchangia Tshs 10,000 ambazo mwananchi ataweza kutibiwa kwa kipindi cha mwaka mmoja pamoja na familia yake.

T

People (3) mtanzania95 Show details